الأربعاء مايو 09, 2012 12:43 pm من طرف 
| للغايب اللي ذقت علقم غيابه | |
| اجمل تحيه مع جزيل المشاريه | |
| اخلصت له حبي وياللغرابه | |
| أقفى وكن الحب شيٍ يسليه | |
| ليته درى عن حالي اللي درابه | |
| جميع من شافه ولوكنت مخفيه | |
| كلن درى عن لوعتي والكآبه | |
| إلا الذي قفّى وانا ميتٍ فيه | |
| عيني بعد فرقاه مثل السحابه | |
| تنثر مطرها فوق خدي وتكويه | |
| عنها الكرى هاجر وقفّت ركابه | |
| للخالي اللي ماشكى بُعد غاليه | |
| والقلب ماردت ضلوعه صوابه | |
| كله جروح وشوق للي يداويه | |
| جروح وشوق وزاد قسوة عذابه | |
| هموم فرقاً كل ساعه تعنّيه | |
| عامين يالغايب انا في صبابه | |
| والله مدري هالعنا ويش تاليه | |
| ياليت مالي قلب او ليت مابه | |
| حبٍ يجيب الهم للي وقع فيه |
منتدى اصدقاء توداى
